Надежда Григорьевна Федорова ааптарскай семинара

Ороссолуода б. 18.02.2022 с.

 

“Өбүгэ үгэһин утумнаан оҕону иис абылаҥар уһуйуу”

 

        Олунньу 18 күнүгэр Улуустааҕы «Кэрэли» эбии үөрэхтээһин киинин иһинэн Ороссолуода орто оскуолататын куруһуогун салайаачыта Федорова Надежда Григорьевна «Өбүгэ төрүт иискэ ньымаларын оҕоҕо үөрэтии” диэн программатынан 8 сыллаах үлэтин түмэн бэйэтин уопутуттан биир эйгэҕэ үлэлиир коллегаларыгар авторскай семинар ыытта. Уопсайа 30 кыттааччы кытынна. Барыта ZOOM куйаар нөнүө аһаҕас эфирга буолан ааста.

        Семинар ыалдьыттарынан Улуустааҕы үөрэх салалтатыттан Эбии үөрэх уонна иитэр үлэ салаатын салайааччыта Нюргуяна Аркадьевна Варламова, Улуустааҕы «Кэрэли» эбии үөрэхтээһин киинин салайааачыта Марианна Юрьевна Билюкина уонна методиһа Евдокия Самсоновна Баишева кэлэн кыттыыны ылан бардылар. Семинар биир уратытынан буолла, Надежда Григорьевна оҕону иискэ үөрэтии эрэ буолбакка, өбүгэбит иискэ төрүт ньымаларын, сахалыы оһуор уонна таҥас суолталарын ырытан, чинчийэн көрүү буолар. Оҕолор тикпит оҥоһуктарын толкуйа -  музей экспонаттарыгар, саха норуотун, угэьин, олоҕун - дьаһаҕын үөрэтиллибит, чинчийиллибит сахалыы энциклопедияларыгар олоҕуран тигиллэллэр. «Оһуор утум» куруһуок иитиллээччилэрин оноьуктарын выстапкаларыгар: хаттык таҥастар араастара, кыыс хаппахчатын ис бараана уонна оронун таҥаһа, 19 үйэ бүтүүтэ түспүт хаартыскаттан хаһыаччыктаах сахалыы былааччыйаны үтүгүннэрэн (реконструкция) тигиини, сүөһү хабаҕыттан хаппардары, сыалыһар балык тириититтэн оҥоһуктары, мөһүүрэ сабынан дьабака бэргэһэ чопчуурун көрдөрөн кэпсээтэ. Ону таһынан, Надежда Григорьевна, бэйэтин илиитин сылааһынан оҥорон таһаарбыт оҥоьуктарын, персональнай быыстапкатын кэпсээтэ көрдөрдө.

         «Мөһүүрэ сабынан быысапкалааһын» диэн ааттаах куйаар ситимин нөҥүө маастар кылаас буолла. Манна көрдүбүт, үөрэттибит көмүс сабынан быысапкалааһын икки ньыматын. Нууччалыыттан киирбит «Верхошов», «Биэтилэлии анньыы» сиик араастарын тигэргэ үөрэттибит.

Улуустааҕы «Кэрэли» эбии үөрэхтээһин киинин уһуйааччыта, «Оһуор утум» куруһуок салайааччыта, талба талааннаах, биир тарбахха баттанар опыттаах убаастанар Ороссолуода орто оскуолатын педагога, Надежда Григорьевна Федорова, « Өбүгэ үгэһин утумнаан оҕону иис абылаҥар уһуйуу » авторскай семинара урдук таһымҥа ааста диэн түмүккэ төгүрүк остуол тула кэпсэтиигэ, биир идэлээхтэрэ, үөрэх салалтата бэйэлэрин санааларын эттилэр. Айар үлэтэ, тиһиллибит ситиһиитэ түмүллэн, сыаналанан «Мастер-педагог» түөскэ кэтэр бэлиэ, үөрүүлээх чааска туттарылынна.