Алтынньы 26 күнүгэр Бэдьимэ нэһилиэгин төрөппүттэригэр "Кэрэли" киин кэлэктиибэ "Ыал эйгэтэ" бырайыагынан үөрэҕи ыытта

     

       Салайааччы Билюкина Марианна Юрьевна бырайыак сыалын-соругун, ис хоһоонун билиһиннэрдэ. Педагог-психолог Слободчикова Нина Ильинична төрөппүттэргэ дьол диэн тугун, дьоллоох киһи диэн кимин толкуйдатар тренини ыытта.
       Төрөппүт, 5 оҕолоох Майа олохтооҕо Захарова Антонина Сергеевна "Ыал эйгэтигэр" хайдах кэлбитин, туох туһаны ылбытын, билигин тугу дьарыктанарын кэпсээн дьон сэҥээриитин ылла.
       "Кэрэли" мэтэдьииһэ Баишева Евдокия Самсоновна эбии үөрэхтээһиҥҥэ "Навигатор" бырагырааманы билиһиннэрдэ, сүбэлээтэ. Куруһуок салайааччыларын, биирдиилээн төрөппүтү кытта үлэлэстэ.
        Онон бу күн Бэдьимэ төрөппүттэрин бастакы оскуолатын бэрт туһалаахтык, сонуннук ыыттылар. Оҕо дьылҕата дьиэ кэргэҥҥэ түстэнэрин кэлбит дьон өссө төгүл сыаналаатылар.