Арассыыйаҕа Педагог уонна настаабынньык сылын көрсө

 

Дойдуга Педагог уонна настаабынньык сылын көрсө, тохсунньу ыйын 10 күнүттэн бэс ыйын 10 күнүгэр диэри Мэҥэ Хаҥалас улууһун үөрэҕирии салалтатын кытта улуус үөрэҕириитин  идэлээх сойууһа  “Марафон наставничества” күрэһин саҕалаабытын биллэрдэ. Бу марафон учуутал идэтин, оруолун үрдэтиигэ, педагог маастарыстыбатын сайыннарыыга ананан ыытыллар.

Ол курдук олунньу ыйын 1 күнүттэн “Кэрэли” оҕону эбии үөрэхтээһин киинигэр “Марафон наставничества” күрэһэс саҕаламмытын иһитиннэрэбит. Биллэриллибит куонкурса үлэлии сылдьар эдэр педагог – Свинобоева Сайыына Николаевна уонна үрдүкү категориялаах улуус “Дорогою добра” волонтерскай этэрээт салайааччыта – Гаврильева Любовь Ивановна настаабынньык быһыытынан бэйэ бэйэлэригэр хардарыта методическай көмөнү оҥорон саҕалаатылар.

Тэрээһин уопсайа 6 түһүмэхтэн турар:

• Бастакы түһүмэх тохсунньу ыйыгар эдэр педагог тус бэйэтин идэтин толору баһылыырыгар, маастарстыбатын сайыннарарыгар туоһуламмыт маршрут (индивидуальный образовательный маршрут) былааннаан туттарар.

• Иккис түһүмэх олунньу ыйыгар настаабынньык 3-тэн аҕыйаҕа суох занятия ыытан эдэр педагокка опытын атыстаһар.

• Үһүс түһүмэх кулун тутар ыйыгар аны эдэр педагог 3-тэн аҕыйаҕа суох занятия ыытар.

• Төрдүс түһүмэх муус устар ыйыгар настаабынньыгы кытта эдэр педагог биир сүрүн тэрээһин ыыталлар.

• Онтон бэһис түһүмэх ыам ыйыгар биир уопсай методическай бородууксуйа оҥрон туттарыахтаахтар.

• Алтыс түһүмэх бэс ыйыгар настаабынньык уонна эдэр педагог ситимнээх үлэтин көрдөрөр бырагыраамма түмүктүүр отчуота буолуо.

Салҕыы куонкурус балаһыанньатын бу сигэнэн билсиҥ: