«Кэрэ эйгэтэ – оҕону эбии үөрэхтээһиҥҥэ  иитэр-үөрэтэр кыахтара, соруктара» сүбэ мунньах

     

Алтынньы ый 18 күнүгэр 2022 с. «Кэрэ эйгэтэ – оҕону эбии үөрэхтээһиҥҥэ  иитэр-үөрэтэр кыахтара, соруктара» диэн темалаах «КЭРЭЛИ» эбии үөрэхтээһин киин педагогтарын сүбэ мунньаҕа буолла. Сүрүн сыала-соруга: оҕо тус дьоҕурун сайыннарыыга кэрэ эйгэни тэрийии уонна  аһаҕас үөрэхтээһин кыахтарын көдьүүстээхтик туһаныы. Уопсайа 78 үлэһит кытынна, онтон 71 педагогтар. 

Күн бастакы аҥарыгар 1 чааһынан– Сүбэ мунньах чэрчитинэн “Өй-санаа-дьоҕур» педагогическай “воркшоп” форматынан педагогтар эбии үөрэхтээһин сайдыытыгар тус сатабылларын, үөрүйэхтэрин үллэһиннилэр.

1.  “Навигатор” систиэмэтигэр педагог тус кабинета – Ефимова Мария Владимировна, “Чудеса из полимерной глины” куруһуок салайааччыта барыта 42 педагогу хапта;

2. “Симпол” аһаҕас платформаны куруһуок оҕолорун түмүк аттестацияларыгар туһаныы – “Мелодика” куруһуок салайааччыта Апросимова Елена Александровналыын 30 педагог үлэлэстэ.

3.  “Бүтүн Россиятааҕы оҕо хамсааһынын” бырайыактарын куруһуок дьарыгын кытта алтыһыннаран,  оҕону ситиһиигэ хайысхалааһын - “Харысхал” куруһуок салайааччыта Григорьева Людмила Афанасьевна 32 педагог сырытта

4. «Инникини анааран көрүү ис күүһэ» педагог тус идэтийиитин таһымын үрдэтэригэр көмө ньымалар – педагог-психолог  Слободчикова Нина Ильинична. 30 педагог үлэлэстэ.

Сүбэ мунньах  2 чааһыгар «Кэрэли” киин дириэктэрин Марианна Юрьевна Билюкина “Киин 2022-2023 үөрэх дьылыгар соруктара» дакылаатын,  киин методиһа Саха Республикатын учууталларын уонна педагогическай уопсастыбаннаһын XIV съеһин делегатын Баишева Евдокия Самсоновна «Аһаҕас үөрэхтээһин –  элбэх кыах эйгэтэ» диэн иһитиннэриитин, киин методиһа Марианна Дмитриевна Монастырева ““Бүтүн Россиятааҕы оҕо хамсааһынын” бырайыактара оҕо идэни талыытыгар көдьүүһэ, суолтата” диэн иһитиннэриитин, киин методиһа Ефремова Айталина Анатольевна «Кэрэли» эбии үөрэхтээһин киин үлэтин «Ситим кабинекка» түмүү” диэн иһитиннэриитин иһиттилэр.

Биир үөрүүлээх түгэнинэн буолла эдэр саҥа үлэһиттэри чиэстээһин, музыкальнай эҕэрдэлээх, өйдөбүнньүк бэлэхтээх.  Борисова Анна Гаврильевна-Тюнгюлю, декоративно-прикладной кружок, Яковлев Андрей Александрович-Хаптаҕай, Уолан, Петрова Валентина Константиновна, Хаптаҕай, вокал, Захарова Элеонора Андреевна, Бырама, фольклор, Сергучева Сандаара Петровна, Хоробут, туризм, Слепцова Яна Степановна, Томтор, декоративно-прикладной, Дохунаев Петр Владимирович, Урун Уолан, Балыктах.

Мунньах уурда:

1. «Аһаҕас үөрэхтээһин- элбэх кыах эйгэтэ» диэн ааттаах Саха Республикатын учууталларын уонна педагогическай уопсастыбаннаһын XIVсъеһэ инникигэ көрүүлэрин олоххо киллэриигэ былааннаахтык үлэлэһэргэ;

2. Педагогтар маастарыстыбаларын таһымын үрдэтиигэ аныгылыы педагогическай технологиялар компоненнарын таба туһанарга;

3. Эдэр педагогтар идэтийиилэригэр «Наставник» бырайыак үлэтин кэҥэтэргэ;

4. “Бүтүн Россиятааҕы оҕо хамсааһынын” бырайыактарын куруһуок дьарыгын кытта алтыһыннаран,  оҕону ситиһиигэ тириэрдэргэ;

5. 2022-2023 үөрэх дьылыгар «Ситим кабинекка киин үлэтин түмүү»  бырайыак көдьүүстээхтик үлэлиирин ситиһэргэ;

6. «Кэрэли» киин саҥардыллыбыт Сайдыы программатын 2023 сыл кулун тутар ыйтан бигэргэтэн үлэни саҕалыырга;

Сүбэ мунньах уурааҕын педагогтар 100% куоластаатылар.   

2022-23 үөрэх сылын  чэрчитинэн тэрээһин кэпсэтиилэр буоллулар.

Тол. Баишева Е.С.