WorldSkills Russia Юниоры-2020

 

      Оскуола саҕаттан оҕоҕо араас идэ сатабылын иҥэрэр, үрдүк таһымнаах исписэлиистэри бэлэмниир сыаллаах норуоттар икки ардыларынааҕы WorldSkills чемпионат дойду аайы сыллата утумнаахтык ыытыллар. Чемпионат үөрэнээччи сүрэҕэ сөбүлүүр, талаана сытар идэтин таба тайанарыгар оҥкул буолар. Быйыл Мэҥэ Хаҥалас улууһугар WorldSkills күрэҕи биһиги Центр бастакынан саҕалаатыбыт. Ол курдук сэтинньи 26 күнүгэр "Конские волосы" компетенция бастакы этабыгар  барыта14 оҕо кытынна. Бу оҕолортон кыайыылаах үс оҕо иккис этабка аастылар: Сергеева Наташа (ЦДОД Кэрэли Аллараа Бэстээхтээҕи филиала), Кривогорницына Анита (Мэлдьэхси оскуолата), Семенова Наташа (Бүтэйдээх оскуолата). Сэтинньи 27 күнүгэр НьГончарное дело күрэххэ барыта 10 оҕо күрэхтэстэ. Кыайыылаахтарынан буоллулар:  Бастакы миэстэ-Неустроев Эдуард (Майа лицейэ), иккис миэстэ-Седалищева Селена (ЦДОД Кэрэли Павловскайдааҕы филиала), үһүс миэстэ-Плотников Александр (ЦДОД Кэрэли Павловскайдааҕы филиала).

      Билиҥҥи санитарнай-эпидемиологическай балаһыанньаны учуоттаан, кэмпитиэнсийэлэр онлайн-тута көрдөрүү, дистанционнай халыыбынан ыытыллыннылар. Кыайыылаахтар тохсунньу ыйга өрөспүүбүлүкэтээҕи түһүмэххэ улуус аатын көмүскүөхтэрэ.