“Кэрэли” улуустааҕы оҕону эбии үөрэхтээһин киин Моорук орто оскуолатыгар үлэлиир "Оһуор" эбии үөрэхтээһин студия иитиллээччилэрэ туостан оҥоһук "Туос тойуга" мода коллекциянан кулун тутар 10-11 күннэригэр Аан дойдуга аатырбыт кэрэ көстүүлээх Сочи куорат  Адлер  оройуонугар ыытыллыбыт "АРТ Севера " Интернациональнай проект чэрчитинэн Аан дойдутааҕы lll фестиваль " Таланты Евразии- 2023 " диэн улахан күрэххэ баран кыттыыны ылан ситиһиилэнэн кэллилэр. Студия салайааччытынан СӨ үөрэҕин туйгуна, норуот маастара, Улуустааҕы Кэрэли эбии үөрэхтээһин киин маастар уһуйааччыта Егорова Туйара Дмитриевна үлэлиир. Бэйэтин холобурунан оҕолору айар үлэ абылаҥар уһуйар, чинчийэр үлэҕэ үөрэтэр. Ол курдук, Ньургуяна Окорокова, Галя Павлова XXXI төгүлүн ыытыллар "Наукаҕа бастакы хардыылар" Бутун Россиятааҕы научнай- исследовательскай, творческай күрэххэ  кыттарга ыҥырыы сурук туттулар. Инникитин өссө үрдүк ситиһиилэри баҕарабыт!