"Кэрэли" эбии үөрэхтээһин киинигэр быйыл ыты үөрэтэр "Мой четвероногий друг" диэн куруһуок үлэтин саҕалаата, салайааччы Шестакова Саргылаана Павловна. 

         Олунньу 13 күнүгэр "Кэрэлигэ" куораттан каюр Слепцов Петр Иванович кэлэн ыалдьыттаата. Кини түөрт сибирскай хаскины аҕалан оҕолорго көрдөрдө, ыты хайдах көлүйэргэ, көрөргө үөрэттэ, ыттар күрэхтэһиилэрин туһунан кэпсээтэ уонна араас хаартыскалары, видеолары көрдөрдө. Онтон Майа алааһыгар тахсан саҥа куруһуок оҕолоругар маастар кылаас ыытта, наартынан хатааһылатта. Оҕолор астынан, дуоһуйан тарҕастылар.